Монгол оронд ирсэн гадны жуулчид, аялагчидийн хувьд Монгол нүүдэлчидийн ахуй соёл, амьдралын хэв маяг, таван хошуу мал, хувцас хэрэглэл, уламжлалт цагаан идээ, зоог тэргүүтнийг нэг дороос үзэж мэдрэхийг хүсдэг билээ. Гэтэл энэ бүгдийг нэг дор бүрдүүлсэн малчин айл тэр бүр байхгүй бөгөөд одоо цагийн техник технологийн хөгжил монгол малчдын амьдралд давамгайлсан байгаа нь жуулчид, зочдын төсөөлсөнөөс өөр орчин болж сонирхол багатай харагддаг байна.