Аяллын онцлох зүйлс
Та энэхүү Африк тивийн байгаль, зэрлэг ан амьтадтай танилцах сафари аяллаар Африкийн аялал жуулчлалын гол бүс нутгууд болох Кени, Танзани улсын нутгаар аялна.
Дэлхийд алдартай Масай Мара, Серенгети, Нгоронгоро зэрэг дархан цаазат газруудад зочилж арслан, заан, ирвэс, хирс, одос үхэр, анаш зэрэг ан амьтдыг ойроос ажиглан, эдгээр амьтдын олон мянгаараа сүрэглэн нүдлэх их нүүдлийг үзэн, нутгийн уугуул иргэдийн аж амьдралтай танилцана.
Олон өдрийн Африкийн онгон зээлүүд байгалиар аялсны дараа бид аян замын алжаалаа тайлахаар Энэтхэгийн далайд орших дэлхийд алдартай наран шарлагын газруудаар хүрээлэгдсэн Занзибар арал дээр хүрэлцэн ирнэ. Дэлхийн өвийн жагсаалтанд орсон Занзибар арлын Стоун Таун хоттой танилцаж, торгомсог цагаан элстэй наран шарлагын газруудад амрах хөтөлбөрөөр энэхүү Африк тивийн мартагдашгүй дурсамжит аялал маань өндөрлөнө.
Аяллын онцлох газрууд:
Найроби – Африк тивийн онгон зэлүүд байгалийн дунд сүндэрлэн боссон Кени улсын нийслэл Найроби хотоос бид аяллаа эхэлнэ.
Масай Мара – Африкийн таван том буюу арслан, ирвэс, заан, хирс, одос үхрийг ажиглах Сафари аяллаараа алдартай Дархан Цаазат Газар.
Накуру нуур – Накуру нуурын үндэсний цэцэрлэгт хүрээлэнд бид Сафари аяллаар хар, цагаан хирс зэрэг бусад зэрлэг амьтдыг ажиглана.
