Могул Сервис энд Саппорт ХХК нь Мэдээллийн технологийн салбарт аль хэдийнээ 20 жилийн түүхийг бичилцсэн Ай Ти Зон ХХК-ийнхаа Техник Туслалцаа Үйлчилгээний төвөөс өрх тусгаарлан гарч, мэргэжлийн сертификаттай инженер, сервис менежер, борлуулалтын мэргэжилтнүүдээр багаа бүрдүүлэн, Мэдээллийн технологийн үйлчилгээг өндөр түвшинд хүргэхээр зорин ажиллаж байна. 

Смарт Куалити ХХК нь 2021 онд байгуулагдсан. Мэдээллийн технологи болон Программ хангамжийн үйлчилгээ шаардлагатай байгаа байгууллагуудад мэргэжил аргазүйн зөвлөгөө өгч ажиллаж байна.

Чимэгэ системс ХХК нь хиймэл оюун ухаанд суурилсан шийдлүүдийг нийлүүлдэг 2019 онд байгуулагдсан, тун хурдтай өсөж буй амжилттай Cтартап компани юм. Бид дэлхийн чиг хандлага, олон улсын трэндтэй хөл нийлүүлэн тасралтгүй хөгжиж, урьд хожид шийдэгдээгүй асуудлуудыг шийдэж байна.

Прожект Девелопмент Тотал Солюшн нь 2008 онд байгуулагдсан. Бид бүх төрлийн компаниудад үнэ цэнийг бий болгох бизнесийн шийдлүүдийг санал болгож технологийн салбарт өндөр мэргэжлийн үйлчилгээ үзүүлэгч байхыг эрмэлздэг. 

Юнитакс Тин ХХК нь зөв татварын бүртгэлээр бизнесийнхээ ирээдүйн баталгаа, хөгжил дэвшлийг бүтээхэд мэргэжлийн арга зүй, технологийн шийдлээр хангах зорилготой компани юм. Монгол улсын зах зээлд анх удаа татварын тооцоолол, бүртгэл, тайлангаа программаар гаргаж, цахим системд илгээх цогц платформыг нэвтрүүлж байна.

МонПасс СА ХХК нь тоон гарын үсгийн гэрчилгээ үүсгэх СА програм, гэрчилгээ олгох RA програм, системийн бусад програм, түүнтэй нийцэн ажилладаг төрөл бүрийн хэрэглээний програмуудыг хөгжүүлж Дата Төвд байрлах Үндэсний Суурь Гэрчилгээжүүлэх байгууллагаас гэрчилгээгээ авсны үндсэн дээр 2016 оноос эхлэн аж ахуйн нэгжийн албан тушаалтанд тоон гарын үсгийн гэрчилгээ олгож байна.

Зочил технологи ХХК компани нь мэдээлэл технологийн чиглэлээр 2019 онд үүсгэн байгуулагдаж мэдээлэл технологи, маркетинг борлуулалтын чиглэлээр 10 гаруй жилийн туршлагатай баг бүрэлдэхүүнтэйгээр ажиллаж байна. Бид онлайн худалдаа эрхлэгчдэд зориулан захиалга, хүргэлт, худалдааг автоматжуулах зорилготойгоор Zochil төслийг зах зээлд танилцуулахад бэлэн болоод байна.

Fibo Cloud нь Монголд үүлэн технологиор дагнан үйл ажиллагаа явуулдаг анхны компани юм. Бид AWS, Microsoft, Google Cloud дээр тулгуурласан албан ёсны зөвлөх үйлчилгээг үзүүлж байгууллагуудад Cloud Computing-н давуу талыг бий болгоход тусладаг. Бид 20 орчим байгууллагын бизнес платформыг Cloud рүү шилжүүлж, 2 жилийн хугацаанд Мэдээллийн технологид гарах 684,000,000₮ орчим зардлыг хэмнэсэн.

Дата Бэйнк ХХК нь 2015 онд байгуулагдсан ба төлбөрийн системийн зах зээлд технологийн дэвшил дээр суурилсан ухаалаг шийдэл, үйлчилгээг нэвтрүүлэгч байгууллага юм. Мэдээллийн технологи, электроникийн инженерүүд зонхилсон 93 хүний бүрэлдэхүүнтэй. Үүсгэн байгуулагч тэргүүтэй анхны баг маань энэ салбартаа 20 орчим жил ажиллаж байгаа туршлагатай инженерүүд бий.

Смарт Ложик ХХК нь 2014 оноос эхлэн Програм хангамж хөгжүүлэх (Software Development), Мэдээлэл Технологийн үйлчилгээ үзүүлэх (IT Services), Мэргэжлийн сургалт явуулах (IT Training) чиглэлээр бизнесийн болон төрийн бүх төвшний байгууллагад зориулсан цогц системийг хөгжүүлж, нийлүүлж, суурилуулж ирсэн билээ.

Кевико ХХК нь 2010 оноос эхлэн Улаанбаатар хотыг бүрэн хамарсан өндөр хурдтай хэрэглэхэд хялбар, байгаль орчинд хор хөнөөлгүй, ухаалаг техник технологид суурилсан  Wi-Fi интернэтийн үйлчилгээг нийслэлийн албан байгууллагууд болон иргэдэд хүргэх зорилгоор олон төрлийн шинэлэг үйлчилгээ, шинэ технологи, шилдэг санаануудыг нэвтрүүлэн ажилж байна.

КоллПро ХХК нь  2014 онд Монгол улсад үүлэн технологид суурилсан харилцаа холбооны бүтээгдэхүүнийг анхлан нэвтрүүлсэн бөгөөд өнөөдрийн байдлаар 1500+ харилцагчдад тогтмол үйлчилгээ үзүүлэн, бүтээгдэхүүн үйлчилгээгээ сайжруулан, өргөжин нэмэгдүүлсээр байна.  Бид байгууллагын дотуур холбоо, дуудлагын төвийн систем, тусгай дугаарын дуудлага болон мессежний үйлчилгээ, веб болон аппликэйшнд суурилсан аудио, видео дамжуулах үйлчилгээг үзүүлж байна.      

Вертексмон ХХК нь 2012 онд байгуулагдсан. Мэдээллийн технологи харилцаа холбоо, кибер аюулгүй байдал, байгууллагын дотоод холболт болон барилгын автоматжуулалтын чиглэлээр тус тус цогц шийдэл боловсруулах, хэрэглэгчдийнхээ хэрэгцээ шаардлагад нийцсэн сүүлийн үеийн дэвшилтэт технологи, шийдлийг цаг алдалгүй түргэн шуурхай хүргэсээр байна.          

Астериск Техноложис ХХК нь 2013 оноос эхлэн өөрсдийн туршлага болон техник мэдлэг дээр суурилан аливаа бизнесийн байгууллагын бүтэц, үйл ажиллагаа, зохион байгуулалтыг системээр дамжуулан өөрчлөн шинэчилдэг. 

Мэйжикнэт ХХК нь анх 1998 онд байгуулагдаж Монгол улсад Интернэтийн vйлчилгээг анх удаа нэвтрvvлсэн Интернэтийн Vйлчилгээ Vзvvлэгч анхдагч компани билээ. Бид Нэгдсэн үндэстний байгууллага, зарим элчин сайдын яамд, олон улсын байгууллагуудад, төрийн байгууллагууд, томоохон аж ахуйн нэгжтэй хамтран ажилладагаас гадна Монголын томоохон арилжааны банкуудад Интернэтийн үйлчилгээ үзүүлдэг туршлагатай.

Гайхам ХХК нь 2009 онд байгуулагдсан ба цаг хугацаа байршлаас үл хамааран тээврийн хэрэгслийг зайнаас хянах M2M технологид суурилсан шинэ дэвшилтэт хяналтын системийг зах зээлд нийлүүлдэг компани юм. 

Ай Ти Зон компани нь ашиг сонирхлын зөрчлийн бодит болон боломжит аливаа эрсдэлийг урьдчилан сэргийлэх зарчмаар удирдаж, шударга байдлыг эрхэмлэн, компанийн бизнесийн ёс зүйтэй байх зарчмыг баримтлан ажилладаг. 

Гүнд Инвестмент ХХК нь 2016 онд  хөрөнгө оруулалтын холдинг компани болон өөрчлөн зохион байгуулагдсан. Холдингийн бүрэлдэхүүнд 2017 онд “Т.У.С солюшн” ХХК зөвлөх үйлчилгээний компанийг үүсгэн байгуулсан ба бид өөрсдийн олон жил хуримтлуулсан туршлага, системийн онол дээр тулгуурлан гаргасан байгууллагад тулгарч буй асуудлуудыг шийдвэрлэх тус үйлчилгээгээ зах зээл, хэрэглэгчдэд санал болгож байна.

Скайтел ХХК нь Монголын үүрэн холбооны зах зээлд үйл ажиллагаагаа эхэлсэн цагаас дэлхий дахины салбарын хөгжлийн чиг хандлагын дагуу технологийн шинэчлэлүүдийг нэвтрүүлэн, хэрэглэгчдийнхээ хүсэл сонирхолд нийцсэн олон төрлийн бүтээгдхүүн үйлчилгээг хүргэсээр ирлээ.

Том Амжилт ХХК нь 2007 онд amjilt.com нэртэйгээр өөрийн сайтыг үүсгэн байгуулж  2010 онд “Том-Амжилт” ХХК болон өргөжиж өнөөг хүртэл үйл ажиллагаагаа идэвхтэй явуулж ирсэн. Бид видео реклам хийх үйлчилгээ, вэб сайт хийх үйлчилгээ, вэб хостинг болон домайн нэр олгох, интернэт маркетинг, онлайн худалдаа гэсэн чиглэлээр үйл ажиллагаагаа явуулж Монголын хамгийн олон вэб сайт хийсэн компани болсон.

Мобиком групп нь хамт олон, тэдний гэр бүлийн сайн сайхан болон оюунлаг сэтгэлгээний хөгжил дэвшлийг дэмжиж, хэрэглэгчид, түншүүдтэйгээ сэтгэлд хоногшсон дурсамжуудыг хамтдаа бүтээж, бизнесийн шинэлэг арга барилаар итгэл дүүрэн, тэгш нийгмийг цогцлоох үйлсийг манлайлна.

Датакейр ХХК нь 2011 онд програм хангамжийн чиглэлээр үйл ажиллагаа эрхлэхээр байгуулагдсан. Бид байгуулагдсан цагаасаа хойш худалдаа үйлчилгээний салбарын програм хангамжийг хөгжүүлэхээр зорин ажилласаар ирсэн. Энэ ч утгаараа бидний эрхэм зорилго бол Инновацлаг бүтээгдэхүүнээр худалдаа үйлчилгээний салбарт үнэ цэнэ нэмэх юм.