“Монэнзим” ХХК нь анх 1976 онд “Үйлдвэрийн энзимологи, микробиологийн үйлдвэрлэл, туршлага шинжилгээний  төв” нэртэйгээр байгуулагдан үйл ажиллгаа эхэлсэн бөгөөд байгалийн болон малаас гарах түүхий эдийг боловсруулж, анагаах ухаан, мал эмнэлэг, биотехнологи, гоо сайхны зориулалтын бүтээгдэхүүн үйлдвэрлэх чиглэлээр үйл ажиллагаагаа тасралтгүй явуулж ирсэн. Компани нь өнгөрсөн 47 жилийн хугацаанд биохимийн үйлдвэрлэлийн баазыг бий болгон амьтан, ургамлын гаралтай 20 гаруй нэр төрлийн фермент, эм, биологийн идэвхит бүтээгдэхүүн, гоо сайхны бүтээгдэхүүн үйлдвэрлэн зах зээлд нийлүүлж байна.