Байгууллагын халдварын урьдчилан сэргийлэх үзлэг
Дэлхий нийтээр 2 дугаар сарыг "Хорт хавдарт анхаарлаа хандуулах сар" болгон тэмдэглэж ирснээс хойш даруй 30 гаруй жил өнгөрчээ.
Энэхүү өдрийг АНУ-ын Хавдрын нийгэмлэгээс санаачлан улс орны хэмжээнд иргэдэд хорт хавдрын өвчлөлд анхаарлаа хандуулж, урьдчилан сэргийлэх бүхий л арга хэмжээг авахыг уриалан санаачилж байсан юм.
Анагаахын шинжлэх ухаанд эмгэг байдлаар “Эрхтэнд шинэ эд үүсэж бий болох зүйлийг хавдар" гэж нэрлэдэг аж.
Хавдрыг дотор нь хортой, хоргүй гэж хоёр хувааж үздэг.
ДЭМБ-ын мэдээллээр 100,000 хүн амд ногдох хорт хавдрын тохиолдлын тоо 8.4 түүнээс их байвал өвчлөл маш өндөр гэж тооцдог байна.
Улсын хэмжээнд 2010-2019 оны хооронд элэгний хорт хавдрын 9,310 шинэ тохиолдол бүртгэгдсэн байна. Энэ үзүүлэлт 2019 онд 2,184 болж, сүүлийн 10 жилийн дунджаас 534 буюу 32.3 хувиар, өмнөх оноос 347 буюу 18.9 хувиар тус тус нэмэгджээ.
Монгол Улс хорт хавдрын тохиолдлоор дэлхийд эхний 50-д ордоггүй боловч нас баралтаараа дэлхийн 195 орноос тэргүүлдэг байна.
Ийм учраас хорт хавдар эрүүл мэндийн салбарын тулгамдсан асуудал хэвээрээ байсаар байна. Энэ байдлыг өөрчлөхийн тулд урьдчилан сэргийлэх, эрт илрүүлгийг эрчимжүүлж, хавдрыг эрт үед оношлох нь чухал юм.
Та бүхэн хорт хавдрын өвчлөлөөс сэргийлэхийн тулд жилд нэг удаа урьдчилан сэргийлэх шинжилгээ, оношилгоонд заавал хамрагдахыг уриалж байна.
Өвчилсөн хойно нь биш өвдөхөөс нь өмнө хамтдаа сэргийлье.
Монгол улс, Улаанбаатар хот, Чингэлтэй дүүрэг, Хуульчдын гудамж 15160-0019
