Мэдээллийн хэрэгслүүд хурдацтай хөгжиж буй өнөө үед ч гадна зар сурталчилгаа нь хэрэглэгчдийн сонголтод хүчтэй нөлөөлсөн хэвээр байна. Энэ нь гадна зар сурталчилгаа иргэдийн үндэс угсаа, хэл соёл, нас хүйсээс үл хамааран иргэдэд 24 цагийн турш хүрч чаддагтай салшгүй холбоотой юм. Ихэнх иргэдийн хувьд тээврийн хэрэгсэл ашиглан нэг газраас нөгөөд зорчих нь өдөр тутмын зайлшгүй хэрэгцээ байдаг тул хүн амын нягтаршил өндөртэй цэгүүдэд үр дүн өндөртэй сурталчилгааг байршуулснаар урт хугацааны  хүчтэй нөлөөлөл үзүүлж чаддаг.